終於帶了你回家-Sirui 腳架

失魂貓正式做單反fans其實只是五月份的事，現在還是三個月probation之内，不過已經開啟了瘋狂式拍攝mode，近期大家一定發現失魂貓post相不停，大家有没有睇到眼花？

失魂貓本來是個snap shot愛好者，一向喜歡手持相機隨處拍，雖然各位攝影高手建議我買腳架，但失魂貓始終懶洋洋不出手。

今天突然出手買腳架，是皆因近期看了很多别人的風景，日落，夜景相。實在按捺不住想出動拍攝。不過，腳架這工具真不少得，所以……真是要帶你回來了！

失魂貓當然想買支又輕又平的腳架，不過大多輕身又堅固的腳架一般$1500 - 3000, 實在負擔不起。朋友推介我買sirui T005 (0.8kg/可負重4kg)價錢和重量合理；天祥 $700/Cam 2 $780。

我去了天祥買，他們服務態度一流，心大心細的失魂貓，和他們sales傾足半小時，因為掙扎在兩支sirui之間，一支$700/鋁,0.8kg, 另一支$1430/炭纖，0.6kg。當然炭纖輕身200g是好吸引，但價錢貴一倍，所以和sales傾足半小時，最後不被遊說，買支平嘢，留彈藥買鏡頭，filter好過！sales 超好人，我買平嘢冇黑面，仲好比心機教我用，仲本來要加$10做天祥會員，他送個會員比我，仲講笑話比佢facebook我add!哈哈！

失魂貓可以出發影日落，夜景了！近來看blog和facebook,發現幾個影景位一流，是我跟住好想去的(但其實未知真正位置)；包括魔鬼山，雞公嶺，日落觀瀾亭和石塘咀海旁等。