介紹男仔的故事 1

近來有兩宗好有趣的事情想和大家分享下！
可能失魂貓單身形象太深入人心, 聖誕節期間有一位有心朋友 (她也

是單身的) ,她發whatsapp 給我說想介紹一位好男仔給我，不過年紀

大少少，問我介唔介意whatsapp 他。

「她說他是41歲，不過外貌後生，6尺高，生意人，經常四處外出傾生

意。她說是爸爸介紹她，不過見了一面冇感覺，話不如介紹我，不想這

樣浪費了一個好男人」。

我見字心想 : 「嘩 ！六尺高生意人？是否成個陳豪咁？ 荀盤？ 哈

哈！ 唔通愛神終於關照我？ 不過又感覺無理由有咁荀架？？」@_@

見朋友專程介紹, 我帶著平常心27／12傍晚 whatsapp 生意人，

他到晚上十一時半才回覆，說了兩句，他回答不太懂用口訊，我就回覆

打算訓了，或明天電聯，說句晚安我就抱頭便睡。（雖然心想，不懂用

口訊為何又話whatsapp 溝通?？）<_<

28／12晚，我十時whatsapp 他說有空電聊嗎？

他照樣差不多十一時才回答我：他說剛回家有空！我以為他意思叫我電

他，所以我打電話給他。誰料，他沒有接我來電。(心想：他攪咩鬼

架？口訊又唔識用？電話又唔聽？好冇禮貌呀！)X_X


他whatsapp我說因為他身在廣州，怕聽長途電話貴！

我立即回個whatsapp說不好意思，打擾你。

(我心又想：下！不在香港？爲什麼昨晚說電聯不通知我？攪到好似騷擾人咁？)>_<

(之後我whatsapp 說：那就待你回港才聯絡吃個飯吧！心想：我真係

好鬼主動啦！^_^)
誰料他回答：我在農曆新年假前只有一天在香港。

(我心又想：O ! My God ! 你忙成咁？就算陳豪唔係我老公我都晚晚

係TVB見到佢個樣，如果生意人真係想成為我老公……)?_?

有個朋友給我大膽的假設！（如果用我有一個朋友最快結婚的記錄來計算：

她見了一個男仔四次之後拍拖，十次之後閃電打算結婚，再籌備婚禮了

半年，他們自相識一年後結了婚！）

<大膽的假設>

每個月只見到一次？見四次拍拖（四個月後），見十次打算結婚（十個月後），再籌備結婚（選結婚地方，婚紗，化妝，影相，買樓...？）可以幾時完成？

再想像就算旅行結婚，他有沒有檔期？

再想像如果我們一起生活..我有冇老公有什麼分別？？...
好似想得太太遠了！哈哈哈哈！

你們可以接受個老公、老婆每月見一次嗎？做女子真是如此苦命呀….哈哈! 



P.S. 原來再聯絡介紹我的朋友，她笑說當時爸爸安排她和他第一次見

面也安排了兩個月！太可怕了！