關西8天自由行 -Day 4 和歌山

 早晨起身在酒店食早餐後,我哋出發到丹月島玩潛水艇. 今日天氣麻麻下著雨, 可能下雨關係,只得我哋二人上潛水艇.兩日陽光巴士券有500 yen優惠 ,每人1000 yen包了潛艇. 全程半小時, 其實潛艇係底部有平面玻璃可以睇到船底下面啲魚和珊湖. 我們還有美女日本導遊教我哋如何睇魚, 最後當然係影張合照,付1000 yen就可以帶相回家. 

 玩完潛水艇我們發現附近有京都大學白濱水族館 ,因為還有半小時才有巴士,入場600yen收費合理,我們便進內參觀. 原來館內都有好多奇怪嘅海洋生物,十分推介來到這裡. 

 我會坐巴士回程後, 到了附近足湯享受下足部溫泉, 在這裡浸湯,可以看到丹月島風景怡人. 我們在雨中行下白濱海灘, 早上行白濱海灘其實風景怡人,可惜下著雨. 

 最後我們到對面的超級市場買午飯便當便坐巴士到白濱火車站.

 我們趕上12:27黑潮JR到和歌山,大約1小時20分鐘,今日繼續用JR West Rail pass - Kansai Wide area 5 Days Pass. 

 我們今次住和歌山Jr站附近Hotel Granvia Wakayama. 這間酒店好近火車站,價錢便宜只需$4xx ,性價比很高. 

 放下行李我們到和歌山站轉乘和歌山電鐵貴志川線到貴志站. 這條線也可以繼續用 JR West Rail pass - Kansai Wide area 5 Days Pass . 這條線本來是出名的小玉貓車長專線, 貓貓小玉車廂四處可找到貓,全部都係貓全部都係貓全部都係貓..... 不過自從小玉離開,現在已轉了以二玉車長. 

 30 分鐘左右到埗貴志站,雖然貴志站唔大, 但非常多遊客圍住二玉影相

 我們在貴志站貓cafe吃個下午茶,不過食物較為遜色亦沒有太多貓的造型食品. 我們玩到四點鐘閉館才離開,之後坐回和歌山電鐵貴志川線到和歌山站.

 和歌山附近有近鐵百貨(7時關閉)和Mio百貨公司(8時關閉).我們在這裏行下街,最後吃完晚飯才回酒店休息.在和歌山没有夜市和商店街,所以這一天比較早休息