無敵貓劍俠

本來沒打算睇無敵貓劍俠，睇完一個blog 友推介，心思思又想去睇下。
真的沒有失望，可愛的貓咪：皮靴貓，真是迷死失魂貓啦！它的一雙大藍眼睛、加上軟軟的金黃色毛毛，好靚仔呀！
故事好笑得來又好有意義，說及親情、友情、愛情和追求夢想, 好適合大人小朋友看。除了好型的皮靴貓：貓咪之外，怪蛋和會生金蛋的鵝都好攪鬼。
有時得閒帶著童心睇下卡通片，真係感覺自己後生左呀！

皮靴貓喺認識史力加之前，究竟有乜特別經歷？話說腳踏長靴、劍法一流嘅皮靴貓，一向Chok住嚟行俠仗義，冧死人無命賠，深受萬民愛戴！但係有一次，佢終於遇上一生中最大考驗…為咗喺阿積同阿招手上偷走絕迹咗幾個世紀嘅傳說魔豆；爭奪一隻世人夢寐以求、會生金蛋嘅金鵝，皮靴貓遇到佢一生中最強嘅敵人：美麗動人、專搞作對嘅綿掌貓女俠；以及一齊喺孤兒院長大嘅沙煲兄弟蛋散阿歷山大，並隨即展開一場魔幻歷奇大冒險！同場更會獨家披露皮靴貓「那些年，我們一起追的冷球」嘅童年生活，見識佢同蛋散之間嘅恩怨情仇！

P.S. 失魂貓冇鬼用，又病倒了。昨晚半夜嘔了4 次，差不多冇訓，好辛苦！半條人命！今日請了病假，醫生話胃炎，現在四肢無力,見到食物都想嘔＞_＜